Na masterclass 'Pandeireta Asturiana' Pau Santirso abordará os trazos e a técnica deste instrumento dende a visión dun artista do folclore galego nado en Asturias. Con máis de vinte anos de experiencia e tras formar parte de diversas agrupacións tradicionais, Pau Santirso entra en 2004 a dirixir o Grupo de Baile Tradicional Xeitu e dende o 2015 tamén o Grupo Nocéu de Trubia. Con diversos galardóns ás súas costas, Santirso conxuga o baile coa pandeireta, sendo compoñente de Cantaruxare, o primeiro grupo de pandeireteiros de Asturias. Na súa traxectoria destacan así mesmo colaboracións con artistas de renome como José Ángel Hevia e Rodrigo Cuevas.
As masterclasses do Serán'03 tratan cuestións peculiares ou moi especializadas de pandeireta, percusión e técnica vocal e están impartidas polo profesorado máis destacado do momento: Fransy González, Pau Santirso, María Xosé Martínez, Belén Mato, Vanesa Muela, Carmen Rey ou Livia Giaffreda. Podes ver o programa completo do encontro e os diferentes contidos formativos premendo AQUÍ.