O proxecto Referentes Galegas preséntase o 17 de decembro na Cidade da Cultura. Esta iniciativa, na que colaboran a Xunta de Galicia, a asociación Executivas de Galicia e as tres universidades galegas, ten como obxectivo elaborar o primeiro directorio de mulleres profesionais galegas.

A rolda de prensa de presentación será na Sala Eisenman ás 11:30 horas e contará coa participación do vicepresidente da Xunta de Galicia, Alfonso Rueda, a secretaria xeral de Igualdade, Susana López Abella, e representantes das universidades.