O vindeiro martes 24 de maio o Auditorio Xosé Neira Vilas da Cidade da Cultura acolle a presentación da programación con motivo do centenario do nacemento da poetisa Luz Pozo Garza. A Secretaría Xeral de Cultura organiza este acto conducido por Valentín García Gómez, secretario xeral de Política Lingüística da Xunta de Galicia.

A presentación contará, entre outras, coas intervencións de Ana Isabel Vázquez, directora xerente da Fundación Cidade da Cultura, Mª Carmen Calviño, subdirectora xeral de Arquivos e Museos e Anxo M. Lorenzo, secretario xeral de Cultura.