O conselleiro de Cultura, Educación e Universidade, Román Rodríguez, presentará as novas liñas de axudas ao sector dos videoxogos no marco do Hub audiovisual.

O Hub Audiovisual, presentado en setembro de 2021, desenvolve importantes vías de apoio, que se estenden tamén ao sector específico dos videoxogos e ao conxunto das industrias culturais. No caso do Plan de desenvolvemento creativo e empresarial dos videoxogos, a Xunta busca darlle resposta ao potencial do sector en Galicia e á necesidade de vertebración deste talento en diferentes áreas de actividade, apoiando tanto a guionización, produción e comercialización de videoxogos, como o desenvolvemento de software, especialmente no eido dos motores e micro-pagos.