O conselleiro de Cultura e Turismo, Román Rodríguez, presentará en rolda de prensa o proxecto expositivo Galicia, un relato no mundo, a primeira gran mostra internacional do Xacobeo 2021. 

A exposición, que se poderá ver no Museo Centro Gaiás a partir do 8 de novembro, explora a interacción entre o territorio histórico de Galicia e o resto do mundo, nun percorrido que nos leva desde a prehistoria ata a actualidade. A mostra examinará o papel de diferentes culturas, pobos e grandes eventos históricos na conformación da historia e identidade galega, pero tamén as relacións e a profunda conexión de Galicia con outros países, sobre todo europeos e americanos, e o seu impacto e presenza no mundo.