A Xunta de Galicia e a Real Academia Galega, no marco do seu acordo de colaboración en materia de toponimia, presentan a aplicación Galicia Nomeada, ferramenta informática pioneira que permitirá a todas as persoas interesadas contribuír a conservar e pór en valor o rico patrimonio toponímico galego.
O acto de presentación contará coa participación do vicepresidente e conselleiro de Presidencia, Administracións Públicas e Xustiza, Alfonso Rueda Valenzuela; a directora de AMTEGA, Mar Pereira Álvarez; o secretario xeral de Política Lingüística, Valentín García Gómez; o presidente da RAG, Víctor F. Freixanes; o director do Instituto de Estudos do Territorio (IET), Guillermo Ramón Evia Pérez; e o técnico da Real Academia Galega, Vicente Ares Feijoo.
