O Consello Regulador da Denominación de Orixe Protexida Mexillón de Galicia presenta na Cidade da Cultura de Santiago o libro Mexillón de Galicia. A publicación, con fotografías de Xurxo Lobato e textos de Omayra Lista, constitúe un achegamento pormenorizado a un sector como o da mitilicultura, moi ligado a Galicia e cunha gran repercusión económica na nosa comunidade.

Ao acto asistirá a conselleira do Mar Rosa Quintana, así como representantes do sector mexilloeiro e de ámbitos como a política, a universidade, a cultura ou a gastronomía.