O conselleiro de Cultura e Turismo, Román Rodríguez, e a conselleira do Mar, Rosa Quintana, participarán na presentación de Pan do Camiño, unha iniciativa impulsada pola asociación Anxiños.

O acto estará conducido pola presidenta da asociación Anxiños, Ruth Gómez Vázquez, e contará cunha videoconferencia dos cociñeiros Martín Berasategui e Eneko Atxa. 

Anxiños é unha asociación sen ánimo de lucro nacida en Galicia coa finalidade de paliar as necesidades de nenos e adolescentes con problemas de saúde mental, axudándolles a vencer a discriminación que sofren no ámbito sanitario, social e laboral.