Presentación de 'O Teu Xacobeo'

A Xunta de Galicia quere implicar a toda a sociedade galega e as súas institucións na organización do próximo Xacobeo 2021, dándolle forma a un gran proxecto transversal e de país. Con este obxectivo, deseñouse un programa pioneiro, 'O teu Xacobeo', que busca propiciar a participación pública, a transparencia e a igualdade de oportunidades, para que todas as galegas e galegos poidan facer as súas achegas e que conta cunha convocatoria de axudas en réxime de conconrrencia competitiva cunha dotación de 2 millóns de euros.

Para afondar neste programa, a Consellería de Cultura e Turismo organiza un encontro informativo sobre a orde de axudas 'O teu Xacobeo', que terá lugar o sábado 12 de xaneiro de 2019, ás 12h, no Edificio CINC da Cidade da Cultura de Galicia. Para asistir, cómpre confirmación antes dese día no teléfono 981 544 801 ou no correo electrónico secretaria.conselleiro@xunta.gal.

Este programa permitiralle a calquera persoa física ou xurídica, entidade local ou organización sen ánimo de lucro desenvolver novas iniciativas no marco do Xacobeo 2021, desde unha perspectiva multidisciplinar, plural, diversa e promovendo o desenvolvemento sostible do territorio.

Así, 'O teu Xacobeo' busca fomentar a participación de toda a sociedade, deseñando conxuntamente unha programación sociocultural durante o ano 2019 e os primeiros meses de 2020, que anticipe a celebración do Xacobeo 2021.


 
 
De balde
Punto de encontro: Museo Centro Gaiás
29 Nov 2023 - 28 Abr 2024
De martes a domingo | De 10 a 20h
30 nov 2023 a 28 Abr 2024
Martes ás 17.00 horas
5 Dec 2023 - 19 Mai 2024
25 — 29 Ago 2024
PRAZO DE INSCRICIÓN ABERTO ATA 24 MAI
22 Mar — 4 Ago 2024
De martes a domingo | De 10 a 20 h
22 Mar — 4 Ago 2023
Museo Centro Gaiás | Andar 2
12 Set 2023 - 21 Xuñ 2024
10.30 h | 11.30 h | 12.30 h | 13.30 h
6 Abril 2024
Ás 11.30 horas e ás 16.30 horas
3 - 5 Mai 2024
Ata 19 Mar 2024
Convocatoria pechada
Xul 2024 — Xan 2025
De martes a domingo | De 10 a 20 h