O conselleiro de Cultura e Turismo, Román Rodríguez, a secretaria xeral da Igualdade, Susana López Abella, e o secretario xeral de Política Lingüística, Valentín García, presentarán en rolda de prensa a nova campaña de dinamización lingüística 'Nós contra a violencia'.

Trátase dun programa que combina a dinamización lingüística coa sensibilización fronte á violencia de xénero. A campaña desenvólvese no marco do Pacto de Estado contra a violencia de xénero e nela colaboran, alén do Ministerio da Presidencia, Relacións coas Cortes e Igualdade, a Secretaría Xeral de Política Lingüística e mais a Secretaría Xeral da Igualdade da Xunta de Galicia.

Inclúe actividades (teatro, música, obradoiros) e materiais (escritos e audiovisuais) que se irán dando a coñecer ao longo do ano.