Os secretarios xerais de Política Lingüística e de Cultura, Valentín García e Anxo Lorenzo, participarán na presentación en rolda de prensa da V Carreira Camiño das Letras, promovida por Xurdir.

Estarán acompañados polo delegado da Xunta na Coruña, Ovidio Rodeiro; o presidente da Federación Galega de Atletismo, Isidoro Hornillos; a deportista Esther Pedrosa e o presentador e humorista Roberto Vilar. A V edición da Carreira 'Camiño das Letras' proponse, coincidindo coa celebración do 17 de maio, unir a práctica deportiva coa conmemoración do Día das Letras Galegas.

Neste ano 2018 a carreira comezará no Pico Sacro e rematará na Cidade da Cultura de Galicia.