A Corporación Radio e Televisión de Galicia convoca o vindeiro martes 16 de maio a entrega de premios do concurso #Dígocho eu ás 18:00h no Auditorio Fontán.
Trátase dun concurso destinado a centros educativos de primaria e secundaria que impartan a materia de Lingua Galega, dentro ou fóra de Galicia, co obxecto de fomentar a colaboración da xente nova e dos centros educativos na elaboración do programa #DígochoEu para achegar a lingua galega a este sector da poboación.
Para máis información dos premios, consulta a súa páxina web.
Categorías:
Hai distintos premios para os tres concursos:
- Premios especiais do xurado: Haberá dous vídeos vencedores, un de primaria e outro de secundaria, cun premio de 100 euros para aqueles que fagan o mellor vídeo ao estilo #DígochoEu. Tan só hai que subir un vídeo de menos dun minuto a Youtube.
- Concurso “unha canción para Esther”: Un concurso no que deberás crear unha canción totalmente orixinal en lingua galega para que a presentadora do programa, Esther Estévez, a interprete. Das cancións enviadas seleccionaranse 5 para ser interpretadas.
-Premios #DígochoEu 2023: Un concurso para os que queiran gravar con Esther Estévez un capítulo do #DígochoEu. Un concurso onde os interesados mandan un guión da súa idea, Esther elixe o que máis lle gusta e irá ao centro escolar dos gañadores a gravar a súa idea e subila a todas a plataformas da CRTVG.
