A Fundación Pública Artesanía de Galicia, dependente da Dirección Xeral de Comercio e Consumo da Consellería de Economía, Emprego e Industria, entregará os Premios Artesanía de Galicia 2018 na Cidade da Cultura.

O acto terá lugar no salón de convencións do Edificio CINC o 17 de decembro ás 12:00 horas.

O obxectivo desta iniciativa é recoñecer a mellora continua no labor dos profesionais do sector artesán galego e contribuír ao seu desenvolvemento económico e promocional.

Establécense as seguintes modalidades:

• Premio Artesanía de Galicia 2018
• Premio Traxectoria 2018
• Premio Bolsa Eloy Gesto 2018