A Asociación de profesionais da fotografía e a imaxe de Galicia, ASFOGAL, organiza o próximo 14 de outubro no Edificio Fontán da Cidade da Cultura un encontro cun dos grandes mestres da fotografía actual, Tino Soriano.
A súa ponencia, “Axúdame a mirar: as claves para narrar unha historia” convida a descubrir como transformar imaxes en relatos que emocionan e transcenden.
Tino Soriano é un fotógrafo, docente e escritor nado en Barcelona e posuidor de numerosos recoñecementos nacionais e internacionais. Foi premiado pola Unesco en varias ocasións e tamén recibiu a prestixiosa Lente de Prata Mexicana. Posúe ademais catro galardóns Fotopres, Fotógrafo Español do Ano Fujifilm 1995, NikonPro-2002, Canon-Europa, a distinción humanista “The Essence of Humanity” de Nova Zelandia e o trofeo fotoxornalístico máis prestixioso do mundo, o World Press Photo, concedido en 1999 na categoría Arte.As prazas son limitadas e as inscricións ao obradoiro poden realizarse no correo asfogal@gmail.com.
