O 12 de maio de 2018 a Cidade da Cultura acolle a xornada multidisciplinar "A Música no século XXI", organizada pola Asociación de Amigos da Banda de Música de Santiago de Compostela. Neste evento abordarase a temática da música desde varias perspectivas, analizando o papel que xoga esta arte nun século XXI dominado pola innovación tecnolóxica.
No encontro, de entrada libra para todo o público interesado, participarán figuras destacadas como o compositor Antón García Abril; o director de orquesta e tamén compositor José Rafael Pascual Vilaplana; ou o director artístico do Teatro Real de Madrid, Joan Matabosch; entre outras personalidades.
A xornada enmárcase na celebración do 170 aniversario da creación da Banda de Música de Santiago de Compostela, á que se lle pretende dar un novo impulso. Para conmemorar o aniversario, ademais desta xornada, tamén se levarán a cabo outros proxectos como un concerto sinfónico extraordinario coa Banda da Coruña; un documental no que se fará un percorrido pola historia da Banda; ou un recoñecemento ao papel da muller na banda compostelana.
