O sector turístico ten unha ampla marxe de mellora no que respecta á eficiencia enerxética. Por iso, un dos retos específicos da Estratexia de Turismo de Galicia 2020 é a paisaxe, os recursos naturais e a sustentabilidade (reto 1) e, en concreto, como recolle o obxectivo estratéxico 1.4, a "sustentabilidade das infraestruturas turísticas".
Así, tal e como se indica no Plan, é necesario sensibilizar o empresariado turístico galego sobre a importancia de mellorar o sector desde o punto de vista da sustentabilidade, facendo especial fincapé en que a relación calidade/medio natural axuda a optimizar os custos empresariais.
O vindeiro xoves 25 de abril de 2019 celebrarase en Santiago de Compostela, no Aula Seminario do Museo Centro Gaiás, a xornada "Mellora da sustentabilidade nas empresas turísticas galegas".
Os principais obxectivos desta xornada son:
- A sensibilización e demostración de boas prácticas en materia medioambiental
- O impulso de medidas de aforro e eficiencia enerxética
- A difusión de ferramentas que faciliten a aplicación de melloras
Programa da xornada:
12:00 Apertura da xornada
- Cesáreo González Pardal. Presidente do Clúster de Turismo de Galicia
12:10 Como asegurar a rendibilidade facendo un investimento de eficiencia enerxética?
- Gerardo Rodríguez Vázquez. Director técnico de EnergyLab
12:40 A xeotermia. Que é e como utilizala
- Manuel Eusebio Vázquez Alfaya. Enxeñeiro industrial – profesor titular da Universidade de Vigo. Mestrado en Enerxía e Sustentabilidade.
13:00 Casos prácticos de aplicación da xeotermia
- Manuel López Portela. Presidente de ACLUXEGA e CEO de ENETRES.
13:25 Caso de éxito: Xeotermia nunha empresa turística
- José Antonio Formoso Mourelos. Xerente do Hotel Bela Fisterra
13:40 Axudas para afrontar un proxecto de mellora da eficiencia enerxética
- Belen Sío Lourido. Directora de ACLUXEGA
13:45 Debate
14:00 Clausura da xornada
