O 25 de xullo o Museo Centro Gaiás acolle o acto de entrega das Medallas de Galicia 2021. A Medalla de Galicia é a máxima distinción de honra que concede a Xunta a persoas ou institucións que polos seus méritos ao servizo de Galicia en calquera aspecto da súa realidade social, cultural ou económica, sexan dignas de obter o recoñecemento do pobo galego.

No acto, que estará presidido pola S. M. Felipe VI, recibirán a Medalla de Ouro de Galicia as persoas implicadas no dispositivo galego de vacinación fronte á covid-19.