O 24 de xullo o Museo Centro Gaiás acolle o acto de entrega das Medallas de Galicia 2020. A Medalla de Galicia é a máxima distinción de honra que concede a Xunta a persoas ou institucións que polos seus méritos ao servizo de Galicia en calquera aspecto da súa realidade social, cultural ou económica, sexan dignas de obter o recoñecemento do pobo galego.

No acto, que estará presidido polo titular do Goberno Galego, Alberto Núñez Feijóo, outorgarase a única Medalla de Ouro de Galicia deste ano, dun xeito colectivo, aos profesionais da Sanidade galega implicados na atención aos pacientes covid-19.