A Cidade da Cultura acolle o 9 de marzo a xornada técnica Lexislación, normativa e seguridade nos deportes de aventura, impartida polo experto en dereito en deportes de montaña e membro da federación de Alta Montaña, Alejandro López Sánchez. Trátase dunha actividade para o alumnado dos IES de Poio, IES Terra de Turonio e o IES de Porto do Son que están a cursar os seus estudos no Ciclo medio "Técnico en Guía no Medio Natural e Tempo Libre".

A xornada versará sobre as diferentes normas legais que teñen que ser respectadas á hora de realizar as actividades de aventura cando se desenvolven no medio natural, así como a metodoloxía a aplicar para a solicitude de permios sectoriais para ditas actividades.