A delegación de Aje A Coruña en Compostela organiza no mes de decembro, xunto ao Concello de Santiago, o ciclo UP: Lanza a túa empresa ao máis alto, un programa de formación gratuito que terá lugar durante seis sesións ata o 16 de decembro no Centro de Emprendemento Gaiás, na Cidade da Cultura de Santiago.

Está dirixido tanto a mozos empresarios que xa puxeran en marcha a súa actividade e queiran mellorar o su plan de negocio, como a emprendedores que aínda estean en fase de proxecto e precisan asesoramento para dar o primeir paso.

Durante as 18 horas de formación concertadas, os participantes poderán sacar partido de sesións que combinarán unha parte teórica con outra máis práctica, onde poñer sobre a mesa as posibilidades das súas propias empresas para conseguir o máximo rendemento na súa actividade.

Os profesionais que titorizarán estas xornadas abarcan todos os departamentos significativos dentro da estrutura empresarial básica: Estudo de Mercado, Comunicación, Vendas, marco lexislativo e fiscal, Innovación. Eles estarán a disposición dos participantes tanto dentro das horas de formación como fóra, onde poderán seguir en contacto para supervisar a implantación dos métodos escollidos.