O 30 de setembro de 2025 no Edificio Fontán da Cidade da Cultura terá lugar a xornada Investigando para un futuro sen lumes. O evento, organizado polo Centro de Interpretación Centro de Investigación Interuniversitario das Paisaxes Atlánticas Culturais (CISPAC) consistirá nunha mesa redonda na que se abordará unha temática transcendente e de impacto, a prevención dos lumes forestais. Trátase dunha actividade aberta ao público en xeral, con acceso libre ata completar a capacidade da sala.

A mesa contará cun bo panel de expertas e expertos do CISPAC procedentes de disciplinas como a historia, a economía, a socioloxía, a bioloxía ou a enxeñaría forestal. Intervirán: 

• Stefania Barca (Historia-USC): O marco da Transición xusta e a prevención dos lumes
• Eduardo Corbelle Rico (Enxeñaría Agroforestal-USC): A homoxeneización da paisaxe como antesala dos incendios
• Jaime Fagundez (Bioloxía-UDC): Plantas, vexetación e lume, moito máis que combustíbel
• Lourenzo Fernández Prieto (Historia-USC): Gobernanza paisana. Garantía de prevención
• Xoaquín Fernández Leiceaga (Economía-USC): Algunhas ensinanzas da vaga de 2017
• Horacio García (Xeografía-USC): Bosques, xente e futuro: construír un país sen lumes
• Noortje Keurhorst (Economía-UVigo): Lumes e montes de veciños
• Edelmiro López Iglesias (Economía-USC): Algunhas causas estruturais dos incendios
• Elvira Santiago e Carmen Rodríguez (Socioloxía-UDC): Lume. Análise social dos incendios forestais
• Xavier Simón (Economía-UVigo): Transición enerxética para a resiliencia local e rural
• David Soto (Historia-USC): Incendios forestais e industrialización da agricultura en Galicia