O edificio Fontán da Cidade da Cultura acolle o 10 de outubro de 2024 o International Quantum Business Conference, evento promovido polo CESGA e co-organizado polo CESGA xunto con Fujitsu Iberia, co obxectivo de dar a coñecer Galicia como referente europeo en Tecnoloxías Cuánticas.

Está dirixido a investigadores, innovadores e industria en distintos verticais relacionados con estas tecnoloxías.

O evento pretende ser un foro de discusión tanto de perfís técnicos como executivos, entre provedores, clientes, investigadores e outros axentes públicos e privados. Abordará tanto os aspectos de I+D das distintas tecnoloxías cuánticas, como as aplicacións á industria en distintos campos (descubrimento de fármacos, loxística, enerxía, finanzas etc.).