AIMEN Centro Tecnológico, no marco do proxecto AI-MATTERS, organiza o evento «A Intelixencia Artificial para unha industria competitiva» que se celebrará o 14 de maio de 2024 no Edificio CINC da Cidade da Cultura de Santiago de Compostela.

O evento ten como obxectivo presentar a iniciativa AI-MATTERS, os servicios a ofrecer a empresas desde Galicia, e servir como punto de encontro entre os diferentes axentes relevantes para o desenvolvemento da IA a nivel autonómico e nacional con presenza no sector industrial.

AI-MATTERS é un dos 4 grandes proxectos que a Comisión Europea aprobou no marco do programa TEF (Testing and Experimentation Facilities), orientado á creación e provisión de servizos tecnolóxicos a empresas industriais que permitan facer máis competitivos os seus procesos produtivos.

No evento participan socios tecnolóxicos de Francia, Alemaña, Italia, Dinamarca, Grecia e España. AIMEN é un dos socios que forma parte do nodo español integrado por Tecnalia, ITAINNOVA e a Asociación de Fabricantes de Maquinaria Industrial AFM. 

A asistencia ao evento é gratuíta previa inscrición no seguinte enlace.