Despois de tres anos de presenza en Galicia, Acción contra el Hambre organiza a II edición da xornada Cultivando o emprego, semente para a inclusión. Será o mércores 25 de setembro na Cidade da Cultura.
O evento ten como obxectivo dar a coñecer os programas que a entidade está a desenvolver en Galicia ao amparo do Proxecto Vives Emprende, así como os resultados obtidos, presentar ás entidades colaboradoras e compartir impresións cos seus e as súas protagonistas; compartindo experiencias, leccións aprendidas e posibilidades de transferibilidade.
Trátase dun encontro dinámico e participativo, onde coñecer de primeira man en qué consisten as iniciativas de Acción contra el Hambre e o impacto que as accións desenvolvidas están a ter nas persoas beneficiarias.
