II Congreso estatal de Educación de Persoas Adultas

A Xunta de Galicia e o Instituto Nacional de Tecnologías Educativas y de Formación del Profesorado (INTEF) organizan o II Congreso estatal de Educación de Persoas Adultas (Congreso EPA), que se terá lugar os días 11 e 12 de febreiro no Edificio Fontán na Cidade da Cultura.
 
Esta segunda edición do Congreso EPA pon énfase en xerar dinámicas para reforzar a idea de comunidade xa presente no I Congreso e facela frutificar. Deste xeito, xunto ás conferencias plenarias, as mesas redondas, a difusión de comunidades xa existentes (Escolas Amigas, Escolas Coordinadas, Asociación de Centros Penais, etc.) e o amplo catálogo de Boas Prácticas en educación formal e non formal, durante os dous días de congreso programaranse espazos para favorecer a interacción, tanto na modalidade presencial como na modalidade virtual, que poidan desembocar na creación e posta en marcha de novas comunidades: networking  carousel, café networking e un laboratorio de proxectos simultáneos en que se convidará aos participantes para compartir ideas en pequenos grupos e esbozar resultados comúns en base a temáticas eixo.
 
O II Congreso EPA é unha actividade formativa certificada polo INTEF, que se desenvolve a través dun formato híbrido (presencial/en liña), co obxectivo de abrir novos foros de participación e reflexión colectiva que nos acheguen un pouco máis ao ben coñecido Obxectivo 4 de Desenvolvemento Sostible de Nacións Unidas: Garantir unha educación inclusiva, equitativa e de calidade, e promover oportunidades de aprendizaxe durante toda a vida para todos.
 
Máis información e inscricións na web do II Congreso EPA.
 
 
21 Out 2021 - 20 Feb 2022
De martes a domingo | De 10 a 20 h
26 Out 2021 - 20 Feb 2022
Venres, 17.00 h
26 Out 2021- 31 Mai 2022
De 9 a 21 horas
28 Out 2021 - 17 Abr 2022
De martes a domingo | De 10 a 20 horas
28 Out 2021 - 17 Abr 2022
17.00 h
Inverno 2021
De martes a domingo
Inverno 2021
Sáb e Dom, ás 11.30h
25 Xan - 8 Abr 2022
10.00 h| 12.30 h
28 Xan - 10 Mai 2022
De 9.00 a 21.00 horas
29 e 30 Xan 2022