O Clúster Alimentario de Galicia (CLUSAGA) organiza a primeira edición dos Premios Galicia Alimentación. Premios á innovación e á internacionalización en 2015 en colaboración coa Xunta de Galicia e co patrocinio do Banco Sabadell Gallego.
Nesta primeira edición o xurado analizou as diferentes propostas valorando a traxectoria empresarial ou asociativa, a transferencia de coñecementos tecnolóxicos e I+D nos produtos, así como os procesos que melloren a calidade de vida dos consumidores, a relevancia socioeconómica, o impacto internacional ou o carácter innovador das mesmas.
Os Premios Galicia de Alimentación ten coma finalidade contribuír a promocionar os produtos alimentarios e as bebidas galegas, así coma os proxectos, as empresas e institucións relacionadas, mellorando a súa imaxe e posición de maneira que adquiran unha importancia relevante tanto dentro do sector alimentario coma na sociedade en xeral.
