As tres organizacións que representan á totalidade dos técnicos sanitarios de grado superior de Galicia —o Colexio Profesional de Hixienistas Dentais, a Asociación de Técnicos Superiores Sanitarios, e o Colexio Oficial de Protésicos Dentais— organizan na Cidade da Cultura o Primeiro Congreso Multidisciplinar que reúne, por primeira vez no Estado, as 11 especialidades desta familia profesional nun único evento.
Cun amplo programa que abarca temas de interese tanto no ámbito profesional como científico, o congreso diríxese a expertos, estudantes e profesionais do sector sanitario de Galicia.
Os obxectivos son intercambiar experiencias e achegarse ao traballo de cada especialidade, ampliando coñecementos sobre as últimas novidades tecnolóxicas e abordando a actualidade profesional con relatores de referencia en cada campo.
Máis información na web do congreso.
