O domingo 29 de setembro os exteriores da Cidade da Cultura acollen a I Carreira de Orientación polo ICTUS. Trátase dunha actividade lúdica, na que todas as persoas participantes deben realizar un percorrido empregando un mapa para atopar unha serie de puntos de control no menor tempo posible.

A carreira pode realizarse tanto andando como correndo, de forma individual ou en grupo, e é apta para todo tipo de público. Está organizada polo grupo de Ictus Traslacional do Instituto de Investigación Sanitaria de Santiago de Compostela e o club Aromon Pontevedra Montañeiros A Roelo e estrea esta primeira edición co obxectivo de concienciar sobre esta enfermidade cerebrovascular.