A Axencia Galega de Innovación organiza unha xornada de presentación dos Hubs de Innovación Dixital, como un dos principais instrumentos previstos no Plan Galicia Innova 2020 para dinamizar a innovación e que implica un novo marco de colaboración público-privada, aberta e intelixente.
Estes Hubs van permitir aproveitar plenamente as capacidades tecnolóxicas e potenciar a innovación empresarial, identificando, transferindo e valorizando o coñecemento e poñéndoas en relación coas necesidades do tecido industrial. Os Hubs estarán orientados a prestar servizos para a creación de valor empresarial, priorizar tecnoloxías estratéxicas e disruptivas, transferir o coñecemento e facilitar o acceso ao financiamento.
Durante a xornada, presentarase a estratexia da Xunta de Galicia para a creación destas estruturas de colaboración, o seu papel no ámbito europeo, así como amosar casos de Hubs de Innovación Dixital en funcionamento en Europa.
O programa e o formulario de inscrición están disponibles nesta ligazón.
