A Cidade da Cultura de Galicia acolle un acto de homenaxe ao escritor Xosé Neira Vilas, data exacta na que se cumpren 55 anos desde a publicación de Memorias dun neno labrego, novela que foi publicada en Arxentina en 1961 pola editorial Follas Novas e que, a día de hoxe, é considerada a novela más lida e traducida das letras galegas.
Coincidindo con esta efeméride, o auditorio da Biblioteca e Arquivo de Galicia recibirá o nome de 'Auditorio Xosé Neira Vilas' nun pequeno ano acto que contará coa presenza da directora-xerente da Fundación Cidade da Cultura, Beatriz González Loroño; o presidente da Fundación Xosé Neira Vilas, Luis Reimóndez; o presidente da Real Academia Galega, Xesús Alonso Montero; o conselleiro de Cultura, Educación e Ordenación Universitaria, Román Rodríguez; o secretario xeral de Política Lingüística, Valentín García Gómez; e o secretario xeral de Emigración, Antón Rodríguez Miranda.
Hugo Domínguez Conde, un alumno de 9 anos do CRA de Boqueixón (Vedra), veciño de Neira Vilas, será o encargado de abrir o acto coa lectura do inicio de Memorias dun neno labrego. E Roi Casal interpretará con arpa acústica dous poemas de Xosé Neira Vilas.
