Os días 5 e 6 de abril a Cidade da Cultura acolle a I Reunión do Foro Galego Local de Economía Circular (FOGALEC), organizada por Fegamp. A finalidade principal deste encontro é a análise da futura Lei de Residuos e solos contaminados e a nova regulación de envases e residuos de envases.
Na sesión inaugural abórdase a presentación e constitución do Foro Galego Local de Economía Circular, así como a explicación da súa dinámica de funcionamento. Así mesmo, adícase un espazo relevante ao debate e intercambio de coñecemento entre os membros do Foro.
A Federación Galega de Municipios e Provincias (Fegamp) é unha entidade asociativa constituída polos 313 concellos galegos, as 4 deputacións provinciais e as 9 entidades locais menores existentes no ámbito territorial de Galicia.
