Programa de formación continua das persoas mentoras pertencentes á Rede DixitalGal.

A competencia dixital no ámbito educativo de Galicia vertébrase a través dos tres marcos europeos elaborados polo Centro Común de Investigación (Joint Research Centre, JRC) da Comisión Europea:

• O marco europeo da competencia dixital docente (DigCompEdu nas súas siglas en inglés) é a referencia para o desenvolvemento da competencia dixital do profesorado.  
• O marco europeo para as organizacións educativas dixitalmente competentes é a referencia para os centros educativos e para a elaboración do plan dixital de centro.
• O marco europeo da competencia dixital para os cidadáns é a referencia para a competencia dixital do alumnado.  

O Plan Anual de Formación do Profesorado para o curso 2021/2021, no seu capítulo 2, incorpora a Educación dixital e nel avánzanse as liñas que seguirán as accións formativas relacionadas con este ámbito. Estas accións formativas inclúen múltiples propostas de formación relacionadas coa liña dixital:

• A capacitación técnica ao profesorado dos centros E-Dixgal.
• O impulso da competencia dixital nos centros educativos co desenvolvemento do Plan Dixital de Centro.
• A formación de membros dos centros: equipo directivo e persoa responsable da dinamización TIC.
• O deseño e implementación do Plan Dixital de Centro.
• A formación en Competencia Dixital Docente a través da oferta e desenvolvemento de actividades formativas nos distintos niveis e áreas para todo o profesorado.