Este sábado 3 de decembro a Cidade da Cultura acolle a Final da Liga Xunta de Galicia de Break, circuíto promovido polo Goberno galego para impulsar esta práctica, que debutará como deporte olímpico nos Xogos de París 2024. A Liga vai dirixida a practicantes de Break de iniciación e tamén a avanzados, a partir de 6 anos de idade, que poderán participar nas correspondentes categorías diferenciadas por nivel técnico, en modalidade individual e parellas.

HORARIOS

• Taller formativo: 12:30 a 13:30
• Confirmación de participación da competición: 16:00 a 17:00 horas
• Competición: 17:00 a 20:30 horas (aprox.). Formato 1vs1
• Entrega de premios: 20:30 a 21:30 horas (aprox.)

Nesta xornada participarán Dj Mil e Danny FK, Norte como speaker e no xurado SerLli, Lúa e Big Nomo. O taller será impartido por Bboy Retrokid na sala anexa ao Auditorio do Edificio Fontán.