O próximo 30 de marzo pola mañá terá lugar na Cidade da Cultura o evento de presentacion do proxecto EDIH-DATAlife, no auditorio Xosé Neira Vilas.
O proxecto EDIH-DATAlife está centrado na implementación de tecnoloxías disruptivas en fases de validación e demostración cun gran potencial para aumentar a competitividade das empresas galegas e da administración pública, pero pouco difundidas na actualidade.
Os tres obxectivos que persegue este proxecto son:
- 1. Aumentar a competitividade das empresas, e especialmente das pemes, mediante a adopción de tecnoloxías de IA e Big Data, promovendo a creación de espazos de datos federados e a súa explotación colaborativa.
- 2. Compartir boas prácticas con outras rexións a través do seu comité de expertos, con embaixadores a nivel nacional e internacional, e con relacións estratéxicas coa participación en redes de colaboración DIHs.
- 3. Ser un portelo único de servizos, proporcionando ás empresas acceso a solucións dixitais avanzadas a través de infraestruturas modernas para a experimentación e validación tecnolóxica.
Unha vez finalizada a xornada, o equipo realizará reunións bilaterais coas entidades interesadas en coñecer máis sobre o proxecto e os servizos que se ofrecerán. En caso de necesitar resolver dúbidas ou obter máis información, podedes reservar unha reunión enchendo o formulario da web de proxecto.
