Estratexia Galega de Economía Circular

Presentación da Estratexia Galega de Economía Circular, cuxa finalidade é invitar a toda a sociedade galega a coñecer as propostas para avanzar cara unha economía circular no horizonte 2020-2030, caracterizando actuacións futuras en programas e plans políticos para abordar o tránsito da economía linear á circular.

Coa Estratexia Galega de economía circular 2019-2030, o Goberno galego pretende previr o esgotamento dos recursos, pechar os ciclos da enerxía e dos materiais e facilitar o desenvolvemento sustentable. Como punto de partida da Estratexia, a Administración autonómica tomou en consideración o Plan de Acción da Unión Europea, no que se recollen máis de 50 medidas.