A Dirección Xeral de Xuventude, Participación e Voluntariado puxo en marcha no ano 2016 o proxecto 'Voluntariado Miúdo: Móvete', un novo programa de voluntariado na educación primaria, que xunto cos programas Pasaporte Solidario e Rede de Centros escolares Solidarios completa o ciclo da formación en materia de voluntariado na educación obrigatoria e bacharelato.
A Cidade da Cultura acolle o día 3 de xuño o encontro do voluntariado deste proxecto para o curso 2021-2022, no que participaron os seguintes colexios:
- CPR Plurilingüe Divina Pastora
- CEIP Plurilingüe Os Casais
- CEIP Plurilingüe San Marcos
- CPR Plurilingüe Luís Vives
- CEIP San Tomé
- CRA María Zambrano
- CEIP Plurilingüe Isidro Parga Pondal
- CEIP Plurilingüe de Reibón
O programa pretende ser un instrumento para a formación integral do alumnado de educación primaria ao redor dos valores asociados ao voluntariado e á solidariedade. Os obxectivos principais son a inmersión nos valores solidarios e na acción voluntaria dende o comezo da etapa educativa obrigatoria e o traballo dos valores solidarios dende un contexto lúdico empregando a música como un mecanismo motivacional.
Co fin de acadar os obxectivos propostos deseñouse un proxecto en base á canción “Móvete” de Paco Nogueiras, canción que se empregará como instrumento didáctico inspirador dunha parte do proxecto, e que servirá de reforzo aos nenos e nenas implicados.
