Desde os diferentes ámbitos da educación pode facerse un valioso traballo na difusión da cultura cooperativa. A axuda mutua, a resolución non violenta de conflitos, o traballo en equipo, a corresponsabilidade... son valores e competencias que deben ser adquiridas desde a infancia. Nesta liña, UCETAG oferta fomación para persoal do mundo da educación, orientado a apoiar o seu papel na difusión e formación en materia de cooperativismo.

Dirixido a profesionais da educación: Do ensino, a educación social, o tempo libre e outros ámbitos.

Obxectivos:

• Presentar metodoloxías e recursos para transmitir os valores cooperativos a rapaces e rapazas de 6 a 16 anos.
• Reforzar as competencias educativas na transmisión do cooperativismo.
• Orientación ao autoemprego cooperativo como alternativa laboral.