Demo Day dos proxectos empresariais da aceleradora de contidos dixitais Startups R Dico Challenge, impulsada polo operador galego e a Axencia para a Modernización Tecnolóxica de Galicia (Amtega).
O comité avaliador do programa seleccionou cinco iniciativas que dan resposta aos retos lanzados a final de ano para ofrecer solucións en retransmisións de eventos deportivos, aplicacións para Android TV, contidos formativos innovadores e Big Data aplicado ao consumo televisivo. Entre os obxectivos principais da aceleradora están o rendibilizar a medio prazo as solucións que xurdan e axudarlles a atopar unha saída áxil e eficaz no mercado, mesmo con R como primeiro cliente.
Esta xornada de Demo Day pecha a primeira edición de startups R DiCo Challenge e nela os cinco participantes mostrarán os avances conseguidos.
Plan Dico Mindset
O programa startups R_DiCo Challenge enmárcase no Plan de acción para o impulso aos contidos dixitais en Galicia (DICo Mindset), que ten entre os seus obxectivos establecer colaboracións entre empresas para abordar retos tecnolóxicos e definir novos contidos audiovisuais que poidan rendibilizarse noutros mercados, ademais de lograr a visibilidade necesaria para o sector.
