DataBeersGLZ é un evento de networking que se desenvolve en diferentes cidades do mundo e que o vindeiro xoves, 29 de xuño, celebrará unha edición especial organizada conxuntamente co Centro de Excelencia en Inteligencia de Negocio (CEIN) que a empresa DXC Technology ten en Santiago de Compostela. O CEIN está formado por un equipo de 50 profesionais especializados en Big Data, Analytics, Data Science e Business Intelligence que participan en proxectos para clientes a nivel nacional e internacional.
O obxectivo de DataBeersGLZ é aumentar a alfabetización no mundo dos datos dunha forma accesible e amable. Por iso organiza eventos informais onde unha serie de relatores contan historias ou expoñen proxectos nos que os datos son o ingrediente esencial. Os eventos DataBeers teñen ademais un elemento secundario, a cervexa, que actúa como nexo facilitador da interacción entre todos os asistentes. O público xoga un papel importante, xa que puede participar e compartir impresións durante as charlas, creándose unha comunidade activa en torno ao mundo dos datos.
