UCETAG é a Unión de Cooperativas de Ensino de Galicia. Ademais do seu labor representativo, ofrece apoio e asesoramento a aquelas persoas que queren montar unha cooperativa para desenvolver profesionalmente o seu propio proxecto educativo. A UCETAG ten máis de 25 anos de experiencia no apoio ás cooperativa socias, no acompañamento de novos proxectos e na formación en materia de cooperativismo en xeral e de ensino en particular. En base a esa experiencia, este curso busca presentar as claves para constituír e levar adiante un proxecto cooperativo con éxito.

Dirixido a profesionais da educación: Todas aquelas persoas que queran desenvolver o seu traballo no ámbito da educación, regrada ou non regrada, que estean pensando na posibilidade de emprender e queiran coñecer cómo facelo baixo a fórmula da cooperativa de ensino.

Obxectivos:

• Presentar as características da cooperativa de ensino e as claves que a diferencian doutras fórmulas.
• Coñecer os pasos que son necesarios para constituír unha cooperativa de ensino con éxito.
• Orientar sobre as axudas e recursos de apoio dispoñibles.