Sesión de deliberación e fallo do xurado que se convoca con motivo da entrega dos Premios da Cultura Galega, na súa edición de 2020.

Os Premios da Cultura Galega teñen por obxecto apoiar o labor creativo en Galicia e a súa expansión nos novos espazos que se abren na actualidade en diferentes ámbitos. As oito modalidades convocadas son as de Letras, Artes Plásticas, Artes Escénicas, Música, Audiovisual, Lingua, Patrimonio Cultural e Proxección Exterior. 

En cada unha das modalidades, os Premios da Cultura Galega concederán un único galardón. O premio consiste nunha escultura ou peza conmemorativa realizada por un artista galego de recoñecido prestixio e nun diploma acreditativo.