A Real Federación Galega de Fútbol (RFGF) organiza o congreso internacional O Camiño do Futsal, que terá lugar os días 1 e 2 de xullo. Máis de 15 relatores e 48 horas de fútbol sala compoñen o programa deste I Congreso Internacional de Fútbol Sala, que terá lugar no auditorio do edificio Fontán da Cidade da Cultura de Galicia. O evento conta co apoio da Real Federación Española de Fútbol (RFEF).
Adestradores e seleccionadores de primeiro nivel, preparadores físicos, directores deportivos, ex xogadores, árbitros e psicólogos deportivos conforman o cartel de profesionais que desembarcarán en Santiago de Compostela o próximo verán para participar neste encontro, que contará con nomes como Mico Martic (seleccionador de Finlandia), Matías Lucuix (seleccionador de Arxentina), Venancio López (director deportivo da RFEF), o prestixioso psicólogo deportivo Pep Marí, galegos como Bruno García ou José María Pazos "Pulpis" ou Paulo Roberto.
