O Centro de Estudos Galegos da Universidade do Minho (Portugal) e o grupo musical Canto d'Aquí organizan as 8º Convergências Portugal-Galiza, destinadas a estreitar os lazos culturais entre as comunidades galega e portuguesa a través da unión entre voces e músicas, danza, teatro, cinema, coloquios, faladoiros e poesía, nun encontro que se realiza simultaneamente en Braga, Padrón, Ponteareas, Redondela e Santiago de Compostela.
Como parte da programación destas converxencias, terá lugar un concerto tributo a Afonso Zeca e Rosalía de Castro o día 27 de febreiro, ás 17:00 horas, no Museo Centro Gaiás da Cidade da Cultura. A agrupación Canto d'Aquí estará acompañada neste concerto da cantante de fado Maria do Ceo. Tamén participará no evento o actor, director e narrador galego Quico Cadaval.
O concerto celébrase na semana na que se conmemoran os aniversarios da morte do cantante e compositor portugués e do nacemento da poeta galega.
