Se tes unha idea empresarial e necesitas de apoio para facer realidade o teu soño, Compostela Start Up Clinic é a oportunidade que estabas esperando. 

Organizado polo Concello de Santiago de Compostela, é un evento de dous días, non consecutivos, onde recibirás o asesoramento de expertos en desenvolvemento de negocio para estudar e validar a túa idea empresarial, complementado con sesión de formación, networking e premios para as mellores ideas.

Compostela Start Up Clinic está pensado para persoas emprendedoras que queiran explorar unha idea empresarial, que desexen coñecer a outras Persoas Emprendedoras cas que interaccionar e que estén abertas a aprender novas metodoloxías e xeitos novos de entender os negocios.