Imos co cuarto e derradeiro consello Clic Xanela!
Xa aprendimos co fotógrafo Oscar Corral que non é o mesmo facer a foto desde a aplicación dun teléfono móbil que desde a app dunha rede social. Tamén vimos con el como podemos controlar a exposición da nosa imaxe; e no último consello descubriunos os diferentes zooms do noso dispositivo e cal é o mellor para non perder calidade.
Neste último consello para mellorar as fotos que sacamos co noso móbil desde a fiestra, Óscar Corral céntrase na composición da nosa foto. Así, destácanos que unha das cousas máis importantes no momento de tomar unha foto é o encadre: decidir que deixar dentro e fóra e sempre o máis complicado. O seu consello é que simplifiquemos. E advírtenos ter moitos elementos nunha foto non sempre axuda a ter máis información, xa que distrae. Mellor, optar por ter menos e ben situados.
E onde debera estar situado ese elemento principal a fotografar? Óscar Corral recoméndanos seguir a regra dos tres terzos; que teñen que ver coa esas liñas que aparecen na pantalla do noso móbil que divide a nosa imaxe en tres partes: horizontais e verticais. O que nos interesa son as liñas de confluenza; aí e onde debera estar sempre o noso elemento principal.
E sempre mellor colocalo na parte esquerda axuda a que sexa máis comprensible. E Óscar Corral recórdanos que debemos situar o elemento principal á mesma altura que o plano, porque isto sempre mellorara a nosa imaxe.