A carreira de obstáculos (OCR) Gladiator Race terá lugar na contorna do Monte Gaiás o sábado 2 de setembro, cun percorrido de máis de 6 quilómetros e 30 obstáculos, trátase dunha proba que conta cunha gran versatilidade e está orientada tanto aos deportistas de alto nivel como os de perfil máis popular.

Esta xornada deportiva incluirá tamén a Gladiator Kids, onde os máis pequenos de entre 3 e 16 anos recorrerán unha menor distancia con menos obstáculos acompañados dos seus pais.

A contorna do monte Gaiás acolleu xa en 2019 a carreira de obstáculos O Camiño Race, cun grande éxito de participación. A inscrición para esta nova cita deportiva pode facerse na web gladiatorraceoficial.es.