Esta recoñecida e premiada narradora oral contará un conto típico de Nadal acompañada dun cuarteto de cordas, a Ensemble ConcertArt que fará as delicias dos pequenos e pequenas e dos que non o son tanto.
Soledad Felloza é actriz, contadora de historias, fotógrafa, escritora e dramaturga. Actual directora do Festival Internacional de Narración Oral Atlántica, con sede en Galicia, ten publicado A Cociñeira do rei (OQO, 2015) Premio Europeo de Narración Oral ao Mellor conto para nenas e nenos. Traducido ao portugués, polaco, e linguas oficias de España; La Vuelta al mundo (La Fragatina, 2017) Castelán e tradución ao italiano. Tamén é columnista invitada en diferentes publicacións literarias e de teatro: Tantágora, Aedo, Clij, Primer Acto.
