Augas de Galicia, a Dirección Xeral da Agua, o Consorcio de Compensación de Seguros e a Dirección Xeral de Protección Civil e Emerxencias organizan a Xornada Técnica Aspectos clave na reducción do risco de inundación, que tratará sobre os asuntos mais importantes da aplicación dos Plans de Xestión do Risco de Inundación, centrándose especialmente na Demarcación Hidrográfica de Galicia-Costa.

As distintas administracións e organismos presentarán as medidas previstas en aplicación destes Plans e, en particular, determinadas medidas de diminución da vulnerabilidade das edificacións. Esta xornada está dedicada á mellora da coordinación entre os axentes locais, os axentes económicos e sociais e as distintas administracións implicadas na xestión do risco de inundación, de acordo co establecido nos Plans de Xestión de Risco de Inundación aprobados mediante Real Decreto.