O xoves 17 de outubro o Auditorio Xosé Neira Vilas da Biblioteca de Galicia acolle o acto institucional do Goberno galego con motivo do Día das Escritoras. O acto contará coa participación da Premio Nacional de Literatura infantil e xuvenil, Ledicia Costas, unha das escritoras máis traducidas e recoñecidas da literatura infantil e xuvenil en lingua galega, nunha conversa coa tamén escritora e xornalista María Solar.