O vicepresidente segundo e conselleiro de Economía, Empresa e Innovación, Francisco Conde, participa no 10º Foro Next Generation Galicia, organizado polo Instituto Galego de Promoción Económica. Os foros  Next Generation articúlanse como encontros deseñados para presentar ás empresas tractoras de Galicia as liñas estratéxicas da Xunta para os fondos europeos de recuperación económica Next Generation, neste caso centrados nas enerxías renovables, o hidróxeno verde e o almacenamento enerxético. No Hall de Tirantes do Museo Centro Gaiás (Monte Gaiás, s/n).